එල් ඇල්ටෝ ප්රදේශයේ පැවති අයහපත් කාලගුණික තත්ත්වය මධ්යයේ ගුවන් යානය ගොඩබැස්සවීමේදී ධාවන පථයෙන් ලිස්සා ගොස් අසල පිහිටි මාවතකට කඩා වැටීමෙනුයි මෙම අනතුර සිදුවී ඇත්තේ.
එසේම අධික වර්ෂාව සහිත අයහපත් කාලගුණය අනතුරට හේතුවන්නට ඇති බවයි මේ වෙනකොට සැක පළකරන්නේ.
මේ හේතුවෙන් පුද්ගලයන් 15 දෙනෙකු ජීවිතක්ෂයට පත්වී 30කට වැඩි පිරිසක් තුවාල ලබා ඇති බවයි විදෙස් මාධ්ය වාර්තා කරන්නේ. එසේම පුද්ගලයින් 15 දෙනෙකු මියගොස් ඇති අතර, මියගිය අය අතර යානයේ සිටි පිරිස මෙන්ම මාර්ගයේ ගමන් කළ සිවිල් වැසියන් ද සිටින බව වාර්තා වෙනවා.
අනතුරත් සමඟ යානයේ තිබූ විශාල මුදල් නෝට්ටු ප්රමාණයක් මාර්ගය පුරා විසිරී ගොස් ඇත.
කෙසේ වෙතත්, බොලිවියානු මධ්යම බැංකුවේ සභාපතිවරයා ප්රකාශ කර ඇත්තේ එම මුදල් නෝට්ටු තවමත් භාවිතයට නිකුත් කර නොමැති බැවින් සහ ඒවායේ අනුක්රමික අංක සටහන් කර නොමැති බැවින් ඒවාට නීත්යානුකූල වටිනාකමක් නොමැති බවයි.
